山頂罩霧白茫茫

滿山野花吐清香

孤單寂寞賞花叢

豔麗百花開紅紅

寄望花草做媒人

嫁伊老實疼某翁

糖甘蜜甜睡同房

天邊海角共駛帆

偷偷微笑笑面紅

惦惦愛伊伊敢通

人人講正正好漢

傻傻磊等等嫁翁

紅紅大轎轎裡人

粉粉面容容花香

甜甜的愛愛上讚

深深戀情情抹空

女人一生著嫁翁

給翁疼痛一世人

同甘共苦幸福送

牽手恩愛某甲翁

感謝加菲貓贈詩

想欲嫁翁來好命

無議反面各人行

伊講愛去台北拚

放阮置故鄉心痛

翁婿是我心愛兄

自小漢講欲娶我

害我芳心唱戀歌

一生逗陣不願煞

哪知你嘴黑白瞞

嫁這款翁欲按怎

感謝亮與貞贈詩

月娘光光照入房

瞑床無人空空空

日思夢想嫁好尫

三更半暝偷挽蔥

媒人牽成來嫁尫

緣投因仔少年郎

新娘歡喜水噹噹

恩恩愛愛一世人

感謝 北栖 贈詩

頭插紅花身紅襖

妝厚水水等嫁尫

花轎來到門口埕

拜別阿爸尬阿娘

迎親隊伍袂起程

坐在轎內心驚驚

期待郎君來疼痛

同甘共苦幸福行

恩恩愛愛過一生

感謝 阿靜 贈詩

阮從少女等這剛

想嘛嫁著好ㄤ婿

我目啁伯好金金

心裡底暗暗盤算

抹愛ㄤ博叫冷酒

ㄤ抹等亂迫查某

結婚近前好打算

才未懊悔一世人

感謝 ㄚ嬤 贈詩

arrow
arrow
    全站熱搜

    寶龍 發表在 痞客邦 留言(30) 人氣()

    E-mail轉寄